दार्चुलामा बाढीको बितण्डा: १३ घर बगायो, ४ जना बेपत्ता

काठमाडौं । दार्चुलामा बाढीले १३ घर बगाएको छ । बाढीमा ४ जना बेपत्ता भएका छन् । महाकाली नगरपालिकास्थित लास्कु खोलामा आएको बाढीले धनजनको क्षति गराएको हो ।

शुक्रबार रातिदेखि आएको बाढीले १३ घर बगाएको र ४ जना बेपत्ता भएको प्रहरी निरीक्षक जगत मगरले जानकारी गराएका छन् ।

प्रहरी निरीक्षक मगरका बाढीमा फसेकाहरूको अहिले सुरक्षाकर्मीको टोली उद्धार गरिरहेको छ । उनीहरूलाई उद्धार गरि स्थानीय सामुदायिक सेवा केन्द्रमा राखिएको छ ।

बाढीले लास्कु खोलाकै झोलुङ्गे पुल पनि बगाएको छ । उक्त पुल बगाएपछि खोला पारिको वस्ती आवातआजतबाट वञ्चित भएको छ ।

खोला पारिको वस्तीका नागरिक फोन सम्पर्क भए पनि पुल भत्किएकोले राहत वितरणमा कठिनाइ हुने प्रहरी निरीक्षक मगरले बताए ।

त्यही ललुङ्गे पुल विस्थापित गर्न बनिरहेको पक्की पुल पनि बाढीले बगाएको छ ।

लास्कु खोलामा आएको बाढी महाकाली नदीमा मिसिएको छ । यसले महाकाली नदी स्थानीय प्रशासनले सचेत गराएको छ