संसद बैठकमा गिरिको निधनप्रति शोक प्रस्ताव पारित गरिने

काठमाडौं । आजको संघीय संसद बैठक सांसद तथा नेपाली कांग्रेसका नेता प्रदीप गिरिको निधनप्रति शोक प्रस्ताव पारित गर्दै सकिने भएको छ ।

दिउँसो १ बजे बस्ने बैठकमा सभामुख अग्नि सापकोटाले शोक प्रस्ताव प्रस्तुत गर्ने कार्यसूची छ । शोक प्रस्ताव पारित भएपछि संसद बैठक अन्य कार्यसूचीमा प्रवेश नगर्ने प्रचलन छ ।

समाजवादी चिन्तक गिरिको शनिबार राति साढे ९ बजे मेडिसिटी अस्पतालमा निधन भएको थियो । गिरिको पार्थिव शरीर आइतबार पशुपति आर्यघाटमा अन्त्येष्टि गरिएको छ ।