बूढीगंगामा नगरपालिकामा मतगणना जारी

काठमाडौं । बाजुराको बूढीगंगा नगरपालिकामा स्थानीय तह निर्वाचनको मतगणना भइरहेको छ। जिल्ला निर्वाचन कार्यालयले मतगणना भइरहेको जनाएको छ ।

विवादको कारण गएको वैशाख ३० गतेको निर्वाचन स्थगित भएको बूढीगंगामा बिहीबार मतदान सम्पन्न भएको हो । १० मतदान स्थल र १९ मतदान केन्द्र रहेको रहेको बूढीगंगामा दोस्रो पटकमा पनि विवाद र हवाई फायरबीच मतदान सम्पन्न भएको हो । ३ हजार ६ सय ५९ मतदाता रहेको बूढीगंगामा ६६, ७५ प्रतिशत मत खसेको निर्वाचन कार्यालयले जनाएको छ ।

बूढीगंगाको मेयरमा नेपाली कांग्रेसका रंगबहादुर खाती र नेकपा एमालेका रामबहादुर बानियाँ प्रतिस्पर्धामा छन् ।