वामदेवले आज नयाँ पार्टी घोषणा गर्ने

काठमाडौं । नेकपा विभाजनपछि मध्यमार्गी भूमिकामा रहनुभएका पूर्व उपप्रधानमन्त्री वामदेव गौतमले नयाँ राजनीतिक दल खोल्ने तयारी गर्नुभएको छ । नेपाल कम्युनिष्ट पार्टी एकता राष्ट्रिय अभियानका संयोजक गौतमले दलको नाम आज घोषणा गर्न लाग्नु भएको छ ।

प्रभावशाली नेता गौतमले आज दिउँसो ३ बजे पत्रकार सम्मेलनमार्फत दल घोषणा गर्न लाग्नुभएको एकता राष्ट्रिय अभियानका प्रचार विभाग प्रमुख निमकान्त पाण्डेले जानकारी दिनुभएको छ । पूर्व उपप्रधानमन्त्री गौतमले नेकपा विभाजनपछि एकता राष्ट्रिय अभियान संचालन गर्दै आउनुभएको छ ।