प्रधानमन्त्रीले अमेरिका भ्रमणबारे जानकारी गराउनुपर्छ : अध्यक्ष नेपाल

काठमाडौं । पूर्वप्रधानमन्त्री तथा नेकपा एकीकृत समाजवादीका अध्यक्ष माधवकुमार नेपालले प्रधानमन्त्री शेरबहादुर देउवाले अमेरिका भ्रमणबारे संसद र जनतालाई जानकारी गराउनुपर्ने बताउनु भएको छ ।

पूर्व प्रधानमन्त्री नेपालले सोमबार प्रतिनिधिसभाको अन्तर्राष्ट्रिय सम्बन्ध समितिमा नेपालको परराष्ट्र नीतिबारे बोल्दै प्रधानमन्त्रीको अमेरिका भ्रमणबाट छिमेकी चीन र भारत हुने अवस्था बन्न नहुने धारणा व्यक्त गर्नुभयो ।

नेपालको असंलग्न परराष्ट्र नीतिमा विचलन आउन नहुने नेता नेपालको भनाई छ । ‘हामी स्वतन्त्र र सार्वभौम राष्ट्र हौँ’ उहाँले भन्नुभयो – हामी एउटा कुनै सुरक्षा गठबन्धन वा ब्लकमा पनि छैनौं। छिमेकी सशंकित हुनेगरी नेपालमा कुनै शंकास्पद गतिविधि हुनुभएन ।’