आज एमालेको सचिवालय बैठक बस्दै

काठमाडौं । प्रमुख प्रतिपक्ष दल नेकपा एमालेको केन्द्रीय सचिवालय बैठक आज बस्दैछ। बैठक पार्टी केन्द्रीय कार्यालय च्यासलमा दिउँसो १ बजे बैठक हुने एमालेले जनाएको छ ।

आजको बैठकमा स्थानीय तह निर्वाचनको समीक्षा, आगामी प्रदेश तथा प्रतिनिधिसभा चुनावको कार्ययोजना, पार्टीबाट निर्वाचित जनप्रतिनिधिका लागि प्रशिक्षण र विभाग गठनसहितका एजेन्डामा छलफल हुने भएको छ ।

सचिवालय बस्नुअघि बैठकको एजेण्डा तय गर्न आइतबार एमालेको केन्द्रीय कार्यालय बसेको थियो । एमाले केन्द्रीय कार्यालयमा महासचिव अध्यक्ष तथा उपमहासचिव र सचिवहरू सदस्य रहने व्यवस्था छ ।