FLASH NEWS
  • Loading...

एमालेको नाराबाजीकै बीच दुई वटा अध्यादेश स्वीकृत

  • गोल्डेन खबर
  • २ साल अघि
  • ७८ पटक पढिएको
Post Thumbnail
काठमाण्डौ – प्रतिनिधि सभाको आज मङ्गलवारको बैठकमा एमालेको नाराबाजीकै बीच दुई वटा अध्यादेश स्वीकृत भएको छ ।
आजको बैठकले यौनहिंसाविरुद्धका केही ऐनलाई संशोधन गर्ने अध्यादेश २०७८ र फौजदारी कसुर तथा फौजदारी कार्यविधिसम्बन्धी केही ऐन संशोधन गर्ने अध्यादेशलाई बहुमतले स्वीकृत गरेको हो । दुवै अध्यादेशलाई कानुन, न्याय तथा संसदीय मामिलामन्त्री दिलेन्द्रप्रसाद बडूले स्वीकृत गरियोस् भनी छुट्टाछुट्टै प्रस्ताव प्रस्तुत गर्नुभएको थियो ।
यौन हिंसाविरुद्ध केही ऐनलाई संशोधन गर्ने अध्यादेशमाथि सांसद प्रेम सुवालले विरोधको सूचना पेस गर्नुभएको थियो ।
प्रमुख प्रतिपक्ष दल नेकपा एमालेको विरोधकै बीच आजको प्रतिनिधि सभा बैठक सञ्चालन गरिएको हो । बैठक सुरु हुनेबित्तिकै एमाले सांसदहरूले बेल घेर्दै नाराबाजी गरेका थिए । सभामुख अग्निप्रसाद सापकोटाले बैठक सञ्चालनमा अवरोध नगर्न पटक–पटक आग्रह गरे पनि एमाले सांसदहरूले नाराबाजी जारी राखेका थिए । त्यसपछि सभामुख सापकोटाले बैठक अगाडि बढाउनुभएको थियो ।
एमाले विभाजनमा सभामुख सापकोटाको भूमिका रहेको आरोप लगाउँदै उहाँको राजीनामाको माग र पार्टीले कारबाही गरेका नेताहरू सम्मिलित दललाई मान्यता दिएको भन्दै एमाले सांसदहरूले लगातार सदनमा अवरोध गर्दै आएका छन् । अर्को बैठक भोलि दिउँसो १ बजे बस्नेछ ।
तपाइंलाई यो खबर पढेर कस्तो लाग्यो? मन पर्यो
मन पर्यो खुशी अचम्म उत्साहित दुखी आक्रोशित
प्रतिक्रिया दिनुहोस
मुख्य समाचार सम्बन्धि थप
महिला भलिबल टिमलाई नगदसहित पुरस्कृत गर्दै सरकार

महिला भलिबल टिमलाई नगदसहित पुरस्कृत गर्दै सरकार
७८औँ स्वतन्त्रता दिवसको अवसरमा भारतले नेपाललाई दियो ६६ स्कुल बस र ३५ एम्बुलेन्स उपहार

७८औँ स्वतन्त्रता दिवसको अवसरमा भारतले नेपाललाई दियो ६६ स्कुल बस र ३५ एम्बुलेन्स उपहार
संक्रमणकालीन न्यायसम्बन्धी विधेयक संसद्‌बाट बहुमतले पारित

संक्रमणकालीन न्यायसम्बन्धी विधेयक संसद्‌बाट बहुमतले पारित
उच्च विन्दुमा नेप्से, कारोबार रकम २७ अर्ब नाघ्यो

उच्च विन्दुमा नेप्से, कारोबार रकम २७ अर्ब नाघ्यो
ट्रेन्डीङ्ग
समाचार