देशभरको ६२ प्रतिशत संक्रमित काठमाडौं उपत्यकामा, १९ को निधन

नेपालमा आज (सोमवार) १३,७८१ पिसिआर टेस्ट भएकोमा थप २,४४० जनामा कोरोना भाईरस (कोभिड-१९) संक्रमण पुष्टि भएको छ भने २३,५०७ जनामा सक्रीय संक्रमण देखिएको छ ।

यो सँगै नेपालमा कोरोना संक्रमितको कुल संख्या ८९ हजार २६३ पुगेको छ । हाल क्वारेन्टाइनमा ४,०३३ जना रहेका छन । पछिल्लो २४ घण्टामा १,१३३ जना र आज सम्म ६५,२०२ जना संक्रमणमुक्त भएर डिस्चार्ज भएको प्रवक्ता गौतमले बताए ।

काठमाडौं उपत्यकमा कोरोना संक्रमण दर उच्च रहेको छ । काठमाडौंमा ११७८, ललितपुरमा २५० र भक्तपुरमा १०३ गरी जम्मा १,५३१ जना नयाँ संक्रमित थपिएका छन ।

प्रदेश अनुसार आईसियुमा २४४ जना उपचाररत छन जसमा प्रदेश १ मा ३०, प्रदेश २ मा १७, बाग्मती प्रदेशमा १२४, गण्डकी प्रदेशमा ६ जना, प्रदेश ५ मा ४७ जना, कर्णाली प्रदेशमा १६ जना, सुदुर पश्चिम प्रदेशमा ४ जना रहेका छन । त्यसैगरी प्रदेश अनुसार भेन्टीलेटरमा प्रदेश १ मा ४ जना, प्रदेश २ मा २ जना, बाग्मती प्रदेशमा ३१ जना र प्रदेश ५ मा ६ जना गरी जम्मा ४३ जना उपचाररत रहेका छन ।

पछिल्लो २४ घण्टामा १९ जनाको निधन भएको छ । हालसम्म मृतक ५५४ जनामा कोरोना पुष्टि भएको छ।