घाँस काट्न जाँदा ८ महिने गर्भवती भिरबाट लडेर मृत्यु

सिन्धुपाल्चोकको जुगल गाउँपालिका-५ बाराम्चिकी ४३ वर्षीया सञ्चमाया तामाङको भिरबाट लडेर मृत्यु भएको छ। उनीसहित उनको गर्भको बच्चाको पनि मृत्यु भएको प्रहरीले जनाएको छ।

जिल्ला प्रहरी कार्यालय सिन्धुपाल्चोकका प्रमुख राजन अधिकारीका अनुसार बिहीबार बिहान ८ बजेतिर भिरबाट लडेपछि घटनास्थलमै सञ्चमायाको मृत्यु भएको थियो बच्चाको भने ४ घण्टापछि मृत्यु भएको हो।

उनी वस्तुभाउलाई घास काट्न निस्किएकी थिइन्। ५ जना छोराछोरीकी आमा उनी ८ महिनाकी गर्भवती थिइन्।