यो वर्षकै उच्च गर्मी

आइतबार यो वर्षकै उच्च तापक्रम रेर्कड गरिएको छ । जल तथा मौसम विज्ञान विभागको मौसम पूर्वानुमान महाशाखाका अनुसार काठमाडौ लगायत देशका विभिन्न ठाउँमा उच्च तापक्रम रेर्कड भएको छ । आज काठमाडौंमा ३१.८ डिग्रि सेल्सियस तापक्रम मापन गरिएको छ ।

त्यसैगरी दिपायलमा ४०, धनगढीमा ४० दशमलव १ तापक्रम रेर्कड गरिएको मौसम पूर्वानुमान महाशाखाले जनाएको छ । त्यसैगरी भैरहवा र नेपालगञ्जको तापक्रम ३९ दशमलव ५ डिग्रि सेल्सियस रह्यो भने विराटनगरको ३२.६ र जनकपुरको ३५ दशमलव ५ डिग्रि तापक्रम रह्यो ।

महाशाखाकी मौसमविद शान्ति कंडेलले आज यो वर्षकै अधिकतम गर्मी दिन रहेको बताइन् । महाशाखाका अनुसार कर्णाली, गण्डकी , वाग्मति प्रदेशका थोरै स्थानहरुमा स्थानिय वायूको प्रभावले हावाहुरी सहित क्षणिक वर्षा गराए पनि यो लामो समयसम्म रहने छैन ।