नेपालगञ्जमा थप ६ जनामा कोरोना संक्रमण पुष्टि, आज मात्रै १५ जनामा कोरोना सक्रमण देखियो

नेपालगञ्जमा फेरि ६ जनामा कोरोना संक्रमण पुष्टि भएको छ । योसँगै आज मात्रै त्यहाँ कोरोना संक्रमित हुनेको संख्या १५ पुगेको छ । अस्ति शुक्रबार एक जनामा कोरोना संक्रमण पुष्टि भएको थियो । स्वास्थ्य तथा जनसंख्या मन्त्रालय स्रोतका अनुसार भेरी अस्पतालमा गरिएको परीक्षणमा थप ६ जनामा पनि कोरोना संक्रमण पुष्टि भएको हो ।

आज आइतबार मन्त्रालयले ९ जनामा कोरोना संक्रमण भएको जनाएको थियो । केही दिनअघि नेपालगञ्ज उपमहानगरपालिकाका ६० वर्षका एक वृद्धमा कोरोना संक्रमण पुष्टि भएपछि कन्ट्याक ट्रेसिङ गरेर ९० जनाको स्वाब संकलन गरी परीक्षणका लागि प्रयोगशाला लगिएकोमा १५ जनामा कोरोना संक्रमण पुष्टि भएको छ ।