अमेरिकामा कोरोनाबाट एक दिनमा १२ सय २४ मृत्यु, ३ लाख ११ हजार संक्रमित

अमेरिकामा एकदिनमा नोभेल कोरोना भाइरसको संक्रमणबाट मृत्यु हुनेको संख्या विश्वभरमा अहिलेसम्मकै उच्च देखिएको छ । पछिल्लो २४ घण्टामा अमेरिकामा १२ सय २४ कोरोना संक्रमितको मृत्यु भएको छ ।

अमेरिकामा कोरोना भाइरसबाट मृत्यु हुनेको संख्या ८ हजार ३७६ पुगेको छ । यसअघि अप्रिल ३ अघिको २४ घण्टामा अमेरिकामा विश्वकै सबभन्दा बढी एक हजार ९४ जनाको मृत्यु भएको थियो ।

अमेरिकामा कोरोना संक्रमितको संख्या पनि विश्वकै सबभन्दा बढी तीन लाख ११ हजार ३५७ पुगेको छ । अमेरिकी राष्ट्रपति डोनाल्ड ट्रम्पले आगामी दुई साता कोरोना संक्रमणबाट मृत्यु हुनेको संख्या थप बढ्ने बताएका छन् । सीएनएन