बेलायती स्वास्थ्यमन्त्रीलाई कोरोना भाइरसको संक्रमण

विश्वभर फैलिएर कोरोना भाइरसको संक्रमण बेलायतकी स्वास्थ्य मन्त्री तथा कन्जरभेटिभ पार्टीकी सांसद नादिन डोरिसलाई पनि लागेको छ । 

डोरिस कोरोना भाइरसद्वारा संक्रमित हुने पहिलो सांसद हुन् । उनी अहिले घरमै सेल्फ आइसोलेशनमा बसेको बताइएको छ । 

बेलायतमा कोरोना भाइरसका कारण अहिलेसम्म ६ जनाको मृत्यु भइसकेको छ भने ३ सय ८२ जनामा संक्रमण देखिएको छ ।
पछिल्लो पटक ८० वर्षका एक वृद्धको मृत्यु भएको थियो । उनको स्वास्थ्यमा यसअघि पनि विभिन्न समस्या देखिएका थिए ।