शेखर कोइरालाद्धारा प्रधानमन्त्री ओलीको स्वास्थ्यलाभको कामना

नेपाली कांग्रेसका केन्द्रीय सदस्य डा शेखर कोइरालाले प्रधानमन्त्री केपी शर्मा ओलीको सिघ्र स्वास्थ्यलाभको कामना गरेका छन् ।

सामाजिक संजाल ट्वीटमा ट्वीट गर्दै बुधबार बिहान डा कोइरालाले प्रधानमन्त्री ओलीको स्वास्थ्यलाभको कामना गरेका हुन् ।

प्रधानमन्त्री ओलीको बुधबार बिहान शिक्षण अस्पताल महाराजगञ्जमा दोस्रो पटक मिर्गौलाको प्रत्यारोपण हुँदैछ ।

प्रधानमन्त्री ओलीले केही दिनअघि डा कोइरालालाई भेटेर देशको विकासका बारेमा चिन्ता व्यक्त गरेका थिए ।

डा कोइरालासंग उनले देश विकासका लागि कांग्रेस कम्युनिष्ट मिल्नुको विकल्प नभएको बताएका थिए ।

डा कोइरालाले पनि प्रधानमन्त्री ओलीलाई भेटेर फर्केपछि प्रधानमन्त्री देशको भविष्यप्रति चिन्तित रहेको पाएको प्रतिक्रिया दिएका थिए ।

प्रधानमन्त्री ओलीको स्वास्थ्यलाभका बारेमा ट्वीटरमा यसो लेखे डा कोइरालाले, ‘प्रधानमन्त्री केपी शर्मा ओलीको मिर्गौलाको सफल प्रत्यारोपणको शुभकामना व्यक्त गर्दैै सिघ्र स्वास्थ्य लाभको कामना गर्दछु।’