भारत भ्रमण सकेर पूर्वराजा शाह आज स्वदेश फर्किँदै

दुई साता लामो भारत भ्रमणमा रहेका पूर्वराजा ज्ञानेन्द्र शाह सपरिवार आज आइतबार नेपाल फर्किने भएका छन् ।

भारतको नयाँदिल्ली र अमृतशहरस्थित शिखहरूको पवित्र तीर्थस्थल स्वर्ण मन्दिर दर्शन गर्न पुगेका शाह आज साढे २ बजे नेपाल फर्कने बताइएको छ।

पूर्वरानी कोमलको फागुन ७ गतेको जन्मोत्सव पारेर पूर्व राजाको स–परिवारअमृतशहर पुगेका थिए ।

नेपाल फर्केर केही दिन काठमाडौं बस्ने र लगत्तै चैत १ गते झापा जाने कार्यक्रम तय गरेको पारिवारिक स्रोतलाई उदृत गर्दै नेपाल समाचारपत्र दैनिकले जनाएको छ।