दैलेखमा जिप दुर्घटना चारको अवस्था गम्भीर

दैलेख  ।  दैलेखमा आज बिहान जिप दुर्घटनामा परि ४ जना गम्भीर घाइते भएका छन् ।   ४ जना सामान्य घाइते भएको जिल्ला प्रहरी कार्यालय  दैलेखले जनाएको छ । महावु गाउँपालिकावाट दैलेख बजार  जाँदै गरेको लु२च ४५६८ नम्बरको जिप नारायण नगरपालिकाको कालिमाटी नजिक दुर्घटनामा परेको हो। आज  बिहान करिब १०  ५५ बजेतिर भएको दुर्घटनामा परी कालिकोटको डिल्लिकोटका वर्ष ४९ का रत्न रानामगर नारायण नगरपालिका ४ सोत निवासी वर्ष ८९ का दत्तबहादुर कठायत महावु गाउँपालिका ६ का वर्ष २२ का विनिता रावत र वर्ष १५ का अमर थापा रहेको जिल्ला प्रहरी कार्यालय दैलेखका प्रहरी प्रमुख ठाकुर प्रशाद पोखरेलले जानकारी दिएका छन्। उनीहरूको जिल्ला अस्पताल दैलेखमा उपचार भइरहेको र  पूर्ण विवरण आउन बाँकी रहेको प्रहरी प्रमुख पोखरेलले जानकारी दिए।