चरेशसहित दुईजना पक्राउ

नेपालगञ्ज  ।  बाँकेको कोहलपुरमा पाँच किलो चरेशसहित दुईजना पक्राउ परेका छन् । कोहलपुरको रमाइलो मेला लाग्ने मैदान नजिकबाट जाजरकोटका दुई जनालाई चरेशसहित पक्राउ गरिएको हो । इलाका प्रहरी कार्यालय, कोहलपुरका प्रमुख डिएसपी रमेशबहादुर सिंहले आज बिहान कोहलपुरबाट जाजरकोटको भेरी नगरपालिका वडा नंं। का २६ वर्षका नरेन्द्रराज घर्ति र त्यही ठाउँका २९ वर्षका धनबहादुर बुढालाई चरेशसहित पक्राउ गरेको जानकारी दिए ।कोहलपुरबाट नै २४ गते ३० किलो ५ सय ५० ग्राम चरेशसहित तीन जना पक्राउ परेका थिए । पहाडी जिल्लामा उत्पादन हुने चरेशको कारोबार स्थल नेपालगञ्ज भएकाले कोहलपुर पनि त्यसको ट्रान्जिट प्वाइन्ट रहने गर्दछ । कोहलपुर हुँदै चरेश नेपालगञ्ज ल्याउने र नेपालगञ्जबाट भारततिर सप्लाई गर्ने गरिन्छ ।कोहलपुर प्रहरीका प्रवक्ता मानबहादुर विसीले पक्राउ परेका चरेश कारोबारीलाई आवश्यक कारबाहीका लागि प्रक्रिया अघि बढाएको बताए ।