कांग्रेसका सांसदद्धारा संसद बैठक अबरुद्ध

काठमाडौं ।   नेपाली कांग्रेसका सांसदहरुले संसद बैठक अबरुद्ध गरेका छन्। प्रधानमन्त्री केपी शर्मा ओलीले सम्बोधन गरेपछि प्रश्न गर्न नदिइएको भन्दै बैठक अबरुद्ध गरेका हुन् । प्रधानमन्त्री केपी शर्मा ओलीले भाषण गरेपछि नेपाली कांग्रेसका सांसदहरुले बोल्नका लागि समय मागेका थिए। तर, सभामुखले प्रश्न उत्तरको कार्यक्रम नभएकाले समय दिन नसकिने बताएका थिए। त्यसपछि कांग्रेस सांसदहरुले उठेर बैठक अबरुद्ध गरेका छन्।  विरोध कायम भएपछि सभामुख कृष्णबहादुर महराले सीमित सदस्यहरुलाई मात्रै एक मिनेटको समय दिने बताएका थिए। तर कांग्रेसले विरोध कायमै गरेपछि सभामुख महराले प्रश्न उत्तरको व्यवस्था नगरिएको बताएका थिए। त्यसपछि केहीबेर बैठक चलेर १५ मिनेटका लागि स्थगित भएको छ।