घर जल्दा ६ लाख बराबरको क्षति

दाङ । दाङको राप्ती गाउँपालिका २ बारखुटीको एक घरमा आगलागी हुँदा करिब छ लाख रुपैयाँ बराबरको क्षति भएको छ। आज बिहान ५ बजे देबी कुमालको खरले छाएको एकतले घरमा आगलागी भएको प्रहरीले जनाएको छ।

विद्युत सट भई भएको आगलागीमा घर र सम्पूर्ण मालसामान नष्ट भएको जिल्ला प्रहरी कार्यालय दाङका प्रहरी उपरीक्षक बेलबहादुर पाण्डेले बताए। उनका अनुसार घरमा पालिएका २०० वटा कुखुरा जलेका छन्। आगलागीबाट मानवीय क्षति नभएको प्रहरीले बताएको छ।