कांग्रेस केन्द्रीय कार्यसमितिको बैठक दिउसो बस्दै

काठमाडौं । भ्रातृ सङ्गठन नेपाल विद्यार्थी सङ्घको महाधिवेशन र विधान टुंगो लगाउन नेपाली काङ्ग्रेसको केन्द्रीय कार्यसमितिको बैठक आइतबार बस्दैछ । भ्रातृ सङ्गठन नेपाल विद्यार्थी सङ्घको महाधिवेशन र विधान टुंगो लगाउन शनिबार बोलाइएको बैठक औपचारिक रुपमा सुरु मात्र भएकाले आइतबार थप छलफल गरी निर्णय गरिने प्रवक्ता विश्वप्रकाश शर्माले बताएका छन ।

दिउँसो २ बजेका लागि बोलाइएको शनिबारको बैठकमा सहमहामन्त्री डा . प्रकाशशरण महतको नेतृत्वमा गठित निर्देशक समितिले ल्याउने प्रस्तावमाथि छलफल हुने उनको भनाइए थियो ।

२ वर्षीय कार्यकाल रहेको नेविसंघको म्याद ३ महिना थप गरिएको अवधि पनि आइतबार सकिंदैछ । अब अर्को तदर्थ समिति बनाउने कि अहिलेकै समितिको म्याद अर्को महाधिवेशनसम्म लम्ब्याउने भन्नेबारेमा नेताहरुबीच विवाद छ ।

गोल्डेन खबर