FLASH NEWS
- Loading...
दुई हातविहीन पाइलट जेसिकालाई नेपालमा सम्मान
- गोल्डेन खबर
- ७ साल अघि
- ८४ पटक पढिएको
![jcika दुई हातविहीन पाइलट जेसिकालाई नेपालमा सम्मान](https://www.goldenkhabar.com/wp-content/uploads/2017/09/jcika.jpg)
काठमाडौं- भदौ । जन्मँदै दुई हात नभएकी तर १० हजार फिटमाथि विमान उडाएर गिनिज बुक अफ वल्र्ड रेकर्ड्समा नाम लेखाएकी अमेरिकी नागरिक जेसिका कक्सलाई यहाँ सम्मान गरिएको छ ।
नयाँ वानेश्वरस्थित नर्थन लाइट एकेडेमी अफ एभिएशन एन्ड टेक्नोलोजी (नाट)ले उक्त सम्मान गरेको हो । उड्डयन क्षेत्रमा जेसिका विश्वकी एकमात्र विशाल प्रतिभासहित उत्प्रेरणाको स्रोत रहेको जनाउँदै नाटले उनलाई सम्मान गरेको छ । ह्यान्डिकेप्ट इन्टरनेशनलकी विश्व सद्भावना राजदूत जेसिकाले उड्डयन एउटा जोखिम र जनभावनाको पेशा रहेको सम्मानका क्रममा बताउनुभयो । अमेरिकन तेक्वान्दो एशोसिएशनकी ब्ल्याक बेल्टसमेत रहेकी जेसिकाको जन्म नै ‘कठिन’ मध्येको एक मानिन्छ । एरिजोना विश्वविद्यालयबाट मनोविज्ञानमा स्नातक जेसिकाले सूचनाको विषयमा पनि अध्ययन गर्नुभएको छ । चौध वर्षको उमेरदेखि कृत्रिम हातको सहारा छाडेकी जेसिका खुट्टाले गाडी चलाउने, प्रति मिनेट २५ शव्द टाइप गर्ने क्षमता राख्नुहुन्छ । सन् २००५ मा विमान उडाउन शुरु गर्नुभएकी उहाँले सन् २००८ मा पाइलटको लाइसेन्स पाउनुभएको थियो । जेसिका विश्वका लागि उदाहरणीय पात्र रहेको विमान चालक विजय लामाले बताउनुभयो ।
प्रतिक्रिया दिनुहोस