विद्युत् चोरीमा सघाउने कर्मचारी पक्राउ

विभिन्न उपकरणको प्रयोग गरी गैरकानुनी रूपमा मिटर बक्सको अङ्क घटाई विद्युत् चुहावट गर्ने कार्यमा संलग्न विद्युत् प्राधिकरणका पूर्व तथा बहालवाला कर्मचारी र व्यवसायी गरी १६ जनालाई प्रहरीले पक्राउ गरेको छ ।
विगत लामो समयदेखि दर्जन उद्योग, कलकारखाना, गार्मेण्ट, होटल, लज तथा व्यक्ति विशेषका घरमा जडित बिजुलीका मिटर बक्स मिलेमतो गरी मिटरको अङ्क घटाउने कार्यमा संलग्न १० जना बहालवाला कर्मचारी र दुई जना पूर्वकर्मचारी तथा चारजना व्यवसायीलाई महानगरीय अपराध महाशाखाको प्रहरी टोलीले काठमाडौं उपत्यका र हेटौ“डाका विभिन्न स्थानबाट पक्राउ गरेको हो ।
सो कार्य गरेबापत ती कर्मचारीले विभिन्न उद्योग कलकारखाना तथा घरधनीबाट दैनिक तथा मासिकरुपमा मोटो रकम लिदै आएको महानगरीय अपराध महाशाखाका प्रमुख, वरिष्ठ प्रहरी उपरीक्षक सर्वेन्द्र खनालले जानकारी दिए । उनले यस्तो कार्यमा ठूलै गिरोह संलग्न रहेको खुलेको बताउदै अन्य व्यक्तिसमेत पक्राउ गर्ने तयारी भइरहेको जानकारी गराए ।
पक्राउ पर्ने बहालवाला कर्मचारीमा नेपाल विद्युत् प्राधिकरण, बालाजु शाखाका सुपरभाइजर सुमन श्रेष्ठ, बानेश्वर शाखाका इलेक्ट्रिसियन अच्यूत खड्का, नेपाल विद्युत् प्राधिकरण वितरण तथा ग्राहक सेवा निर्देशनालय, रत्नपार्कका वरिष्ठ सहायक दिलबहादुर साउद, सोही निर्देशनालयका मिटर रिडर ओम ढुङ्गाना, श्याम बस्नेत, प्रदिप शर्मा, ठाकुर महर्जन, मनिज श्रेष्ठ, लगनखेल शाखाका मिटर रिडर सूर्यबहादुर थापा र हेटौ“डा वितरण केन्द्रका मिटर रिडर महादेव प्रधान रहेका छन् ।
पक्राउ पर्ने पूर्वकर्मचारीमा नेपाल विद्युत् प्राधिकरण, भक्तपुरका पूर्व सुपरभाइजर भगवान् पाण्डे, प्राधिकरणका पूर्वमेन्टिनेन्स कर्मचारी टहलबहादुर कार्की रहेका छन् ।
त्यस्तै मञ्जुश्री खानेपानीका सञ्चालक गोकर्णेश्वर नगरपालिकाका कुमार लामा, हाउडा जिल्ला उदयनारायणपुर थाना, भारत घर भई गौशालामा मिठाइ पसल सञ्चालन गर्दै आएका तपन घोस, मोतिहारी जिल्ला, पूर्वी चम्पारण भारत घर भई नक्सालमा कपास फ््याक्ट्री सञ्चालन गर्दै आएका परवेज आलम र मोरङ, कोशीहरैचा घर भई रामेश्वर मिठाइ पसल सञ्चालक रमेश चू“डाललाई प्रहरीले पक्राउ गरेको हो । ती कर्मचारीले नेपाल विद्युत् प्राधिकरणका बिल रिडरले उद्योग कलकारखाना तथा व्यक्ति विशेषका घरमा गई मिटरमा उठेको रकमभन्दा कम अङ्कको बिल बनाई मिटर रिडर र ग्राहक मिल्ने गरेको अनुसन्धानबाट खुलेको प्रहरीले जनाएको छ ।
प्राधिकरणको बहालवाला र पूर्वटेक्निसियन तथा सुपरभाइजरले मिटर बक्सको सिल काटी मिटरमा उठेको अङ्कलाई बिल बराबरको अङ्क उल्टोबाट घुमाई मिलाउने गरेको, अङ्क मिलाएपश्चात् सिल वायर, सिल गोटीको प्रयोग गरी मिटरमा आफै“ले सिल लगाउदै आएका थिए ।
मिटरको सिल खोल्न र बन्द गर्न प्रयोग हुने उपकरण सिल वायर, सिल गोटी, हुक, कटिङ पिलास, नोजल पिलास, पेन्चिस, चक्कु, मार्तोल, टेप तथा टर्चलाइट टेक्निसियन स्वयम्ले साथमै गैरकानुनीरुपमा राख्ने गरेको प्रहरीले जनाएको छ ।
उनीहरुले प्रत्येक दिन २० देखि २५ स्थानमा उक्त कार्य गर्दै आएको, विगत १२ वर्षदेखि विद्युत् चुहावट गरी ठगी गर्ने कार्यमा संलग्न हु“दै आएको, मिटर रिडरले मिटर रिड गरेपछि मिटरमा उल्लेखित युनिटभन्दा कम युनिटको बिल बनाउने गरेको अनुसन्धानका क्रममा खुलेको छ ।
चार÷पा“च महिनासम्म कम युनिटको बिल बनाएपछि ग्राहकले टेक्निसियन कर्मचारी बोलाएर मिटरको युनिट अङ्क घटाउन लगाउने गरेको, टेक्निसियनका कर्मचारीले मिटर बक्सलाई उनीहरुकै घरमा समेत लगेर मिलाइ पुनःजडान गर्ने गरेका थिए ।
मिलाएको युनिटको आधा रकम ग्राहकले र आधा रकम मिटर रिडर, टेक्निसियन कर्मचारी तथा पुरानो मिटर रिडरलेसमेत बा“डफा“ड गरी लिने गरेको अनुसन्धानबाट खुलेको छ । उनीहरुले बढी विद्युत् खपत हुने उद्योग, कलकारखाना तथा व्यक्ति विशेषका घरमा यस्तो कार्य गर्दै आएको खुलेको छ ।